Sgeulachdan

Pròiseact le Eachdraidh Bheairteach

Tha beairteas de sgeulachdan ann an eachdraidh na Gàidhlig, gu dearbh tha innse sgeulachdan na phàirt gnèitheach de dhearbh-aithne chultarach na Gàidhlig. Ealan cruthachail a bhios ag innse mu thachartasan, mu dhaoine no mu obair don neach-èisteachd far a bheil an luchd-èisteachd air am beò-ghlacadh le sgilean ealanta agus cànanach an Sgeulaiche. Ealan Gàidhlig air a thoirt gu bith tro linntean far an robh meas mòr air a chur a-riamh air cleasaichean sònraichte sa choimhearsnachd.

Ann an Sgìrean Gàidhlig nan Eilean Siar tha an cànan fhathast beò, air a labhairt le gach linn. Tha innse sgeulachdan fhathast na phàirt gnèitheach den chultar agus tha e air leth freagarrach airson a' phròiseict seo.

Stèidhichte ann an 1999 tha Pròiseact nan Sgeulachd air iomadach tachartas a chur air adhart air feadh nan Eilean Siar gus an seann dhualchas seo a ghlèidheadh agus ath-nuadhachadh. Tha am Pròiseact air tachartasan a dhèanamh comasach taobh a-staigh na coimhearsnachd, buidhnean agus comainn ionadail, sgoiltean, buidhnean òigridh, fèisean, ionadan ealain agus iomadh àite eile. Tha Stòr-dàta de sgeulachdan agus sgeulaichean air ùidh a bheothachadh gu mòr taobh a-staigh na coimhearsnachd agus le tuilleadh thachartasan san amharc tha am Pròiseact a' faighinn freagairtean fìor thaiceil